Tata
Krama
Tata
krama utawi unggah-ungguh wonten pagesangan ing jaman samenika sampun
mrihatosaken. Tata krama menika asalipun saking tembung tata lan krama, tata
menika anggadhahi teges aturan, dene krama menika anggadhahi teges pratingkah,
tata pranata ingkang becik, suba-sita (Bausastra). Tata krama ugi anggadhahi
peran wonten pagesangan masarakat Jawi. Kathah bocah ingkang unggah-ungguhipun
boten trep kaliyan tiyang Jawi. Sajatosipun
tata krama menika kathah sanget ingkang dipunrembag. Tuladhanipun kadosta bab
ngginakaken basa tumrapipunn tiyang nem dhateng tiyang ingkang langkung sepuh.
Bocah jaman samenika sampun langka ingkang ngginakaken basa krama dhateng
tiyang sepuhipun. Lajeng, tiyang sepuh menika gadhah peran penting kangge
ndhapuk kados pundhi kapribadi larenipun.
Tata
krama menika dados titikan sipatipun manungsa, mliginipun kangge masarakat
Jawi. Tata krama menika wujud pakurmatan dhateng sanesipun saha pakurmatan dhateng
sasami ciptaanipun Gusti ingkang Maha Kuwaos. Tata krama ugi saged dados titikanipun
kahanan saha sipatipun masarakat, amargi tata krama menika gambaraken pribadi masarakat
kala wau wonten padintenanipun. Tata krama menika prelu sanget dipunrembag
wonten jaman samenika. Tata krama inggih menika aturan. Aturan ingkang prelu
sanget dipungatosaken lan dipunlaksanakaken, supados tiyang ingkang
numindakaken saged dipuntampi dening masarakat. Tumindak ingkang sae, menawi
asring dipuntindakaken saged dados pakulinan.
Tata
krama menika saged dipunajaraken marang generasi enem menika wiwit saking alit,
utawi wiwit saking kawaluarga ingkang dados sarana komunikasi bocah ingkang
kapisan. Kawaluarga menika saged damel tuladha marang generasi salajengipun. Saking
menika, tata krama prelu sanget dipunajaraken marang bocah kangge pagesangan
wonten masarakat.
Puput Handayani 15205241072
Rachmawati 15205241059
Kelas K
Author by
0 komentar:
Posting Komentar